அவர்கள்.....?

என்ன நடக்கிறது மதுரையில்?

2011-04-04T07:12:00.000-07:00

சென்னையில் நிகழ்ச்சி ஒன்றில் பங்கேற்ற தலைமை தேர்தல் அதிகாரி அமுதா, "நம் நாட்டில் 18 வயது முதல் 34 வயதுக்குட்பட்ட இளைஞர்கள் தான் பெருமளவு வாக்களிக்காமல் உள்ளனர். 70 வயதுக்கு மேற்பட்டவர்கள் 90 சதவீதம் பேர் வாக்களிக்கிறார்கள். எல்லோரும் வாக்களிக்க வேண்டும். இல்லை என்றால் ஜனநாயகம் இருக்காது.

வெளிநாட்டில் புரட்சி நடப்பதை எல்லாம் பார்க்கிறோம். இளைஞர்களிடம் மனமாற்றம் வர வேண்டும்." என்று கூறினார்.

இது '49-ஓ போடுவது எப்படி?- அதிகாரி விளக்கம்' என்ற தலைப்பில் இன்று ஆனந்த விகடனில் வெளியாகியுள்ள செய்தி.

"மன மாற்றம் வர வேண்டும்" என்று பேசிய மதுரை மாவட்ட ஆட்சியர் சகாயம் ஒருதலைபட்சமாக செயல்படுவதாக புகார் கூறும் திமுக, தலைமை தேர்தல் அதிகாரி அமுதா மீதும் புகார் கூறுமா? அமுதாவையும் மாற்ற வேண்டும் என்று தேர்தல் ஆணையத்துக்கு கடிதம் எழுதுமா?

-----------------------------------------

நேற்று தொலைக்காட்சிக்கு பேட்டியளித்த வட்டாட்சியர் காளிமுத்து அழகிரியின் ஆட்கள் தன்னை தலையில் தாக்கியதாகக் கூறினார்.

நேற்று இரவு என்ன நடந்ததோ தெரியவில்லை இன்று மாவட்ட ஆட்சியர் சகாயம் அவர்களின் தூண்டுதலால் பொய்புகார் கொடுத்ததாக விளக்க மளித்துள்ளார்.

தேர்தல் ஆணையத்துக்கு அவர் எழுதிய விளக்கக் கடிதம் கலைஞர் தொலைக்காட்சியில் காட்டப்படுகிறது.

தேர்தல் ஆணையத்துக்கு அவர் எழுதிய விளக்கக் கடிதம் கலைஞர் தொலைக்காட்சிக்கு எப்படிக்கிடைத்தது?

குழந்தையின்மை - Infertility

2011-02-03T20:32:00.000-08:00

குழந்தையின்மை அல்லது மலட்டுத்தன்மை என்பது மானுட சமுதாயத்தில் பரவலாகக் காணப்படுகின்ற ஒரு துயரப்படுத்தும் குறையாகும். இது தம்பதியர்களை பெரிதும் பாதிப்புக்குள்ளாக்குகிறது. வாழ்க்கையில் வெறுமை, ஏமாற்றம் பெண்களைப் பொறுத்தமட்டில் நாம் தாய்மை அடைய முடியவில்லையே என்ற ஏக்கமும் மலடி என்று சமுதாயம் கொடுக்கும் பட்டமும் அவர்கள் மனதைப் பாதிக்கின்றன. இதனால் சிலர் தற்கொலை முயற்சியில் கூட ஈடுபடுகின்றனர்.

ஆண்களைப் பொறுத்தவரை நம்மால் ஒரு குழந்தைக்குத் தகப்பன் ஆக முடியவில்லையே என்ற ஆதங்கம் மற்றும் சமுதாயம் கூறும் வன்மையான சொற்கள் எல்லாம் சேர்ந்து குடும்ப வாழ்க்கையைக் கூட சீர்குலையச் செய்து கணவன் மனைவி உறவில் விரிசல் ஏற்படுத்தி விவாகரத்தில் கூட முடியும்படியாய் செய்து விடுகிறது.

இந்த குழந்தையின்மைக்கான காரணங்ளை நாம் ஆராய்ந்து பார்க்கும் போது ஆண்களைப் பொறுத்தவரை சில பிறவிக் குறைபாடுகள் தவிர சுற்றுச் சூழலில் ஏற்படும் மாசுவினாலும், கெமிக்கல் தொழிற்சாலைகள், ஆஸபெஸ்ட்டாஸ் தொழிற்சாலைகள், சுரங்கங்கள் மற்றும் ஆழ்கடல் மூழ்குதல் போன்ற தொழில்களில் ஈடுபடுபம் ஆண்களுக்கு விந்துவில் உயிரணுக்களின் எண்ணிக்கை குறைந்து மலட்டுத்தன்மை ஏற்பட ஏதுவாகிறது. மேலும் சிறுவயதில் ஏற்பட்ட புட்டாலம்மை, சின்னம்மை போன்றவைகளின் தாக்கமும் மற்றும் சிலருக்கு ஏற்பட்ட பால்வினை நோய்களின் தாக்கமும் உயிரணுக்களின் வீரியத்தை குறைத்தும் அணுக்கள் வெளியேறாது தடைகள் ஏற்படுத்தியும் மலட்டுத்தன்மையை உண்டுபண்ணுகிறது.

பெண்களைப் பொறுத்தவரை குழந்தையின்மைக்கான காணங்கள் ஆண்களைவிட சற்று அதிகமாகவே காணப்படுகிறது. உளவியல் ரீதியாக பார்க்கும் போது இளவயது திருமணம், மனபக்குவம் அடையாமல் தாம்பத்ய உறவை நினைத்து பயம், அருவருப்பு, மன உளைச்சல், மன இறுக்கம், மன வேதனை, இன்றைய பரபரப்பான வாழ்க்கை முறை, உணவு பழக்க வழக்கங்கள், வேகமும் மன அழுத்தமும் உள்ள எந்திர வாழ்க்கை போன்றவை காரணங்களாகின்றன.
உறுப்புகளின் குறைபாடுகள் :

உறுப்புகளின் குறைபாடுகள் ரீதியாகப் பார்க்கும் போது

* கன்னித்திரை பிழவுபட முடியாது கடினமாய் இருத்தல் (Hymen unholed)
* கர்ப்பப்பை, சினைப்பை, கருக்குழாய் வளர்ச்சியின்மை
* கர்ப்பப்பை கட்டிகள் (Ovarian Cyst)
* கர்ப்பப்பை இறக்கம்
* கர்ப்பப்பை உள்தோல் பாதிப்பு (endometriosis)
* வெள்ளைபடுதல்
* மாதவிடாய் கோளாறுகள்
* விலிமிக்க மாதவிடாய் (Dysmennorrhoea)
* அதிக ரத்தப்போக்கு
* தொடர்ச்சியாய் கருச்சிதைவு ஏற்படுதல் (Habitual abortion)
* உடல் பருமன் (Obesity)
* சுரப்பி இயக்கக் கோளாறுகளால் ஏற்படும் ஹார்மோன் ஏற்றத்தாழ்வுகள்
* தைராய்டு போன்றவைகள் காரணமாய் அமைகின்றன.

மேலும் பிறப்பு உறுப்புகளில் தொற்று நோய்கள், பால்வினை நோய்கள் போன்றவைகளால் ஏற்படும் குறைபாடுகள் கூட காரணங்களாய் அமைகின்றன.
மேலும்படிக்க
http://drsdevika.com/

குழந்தையின்மையா? தீர்வு சொல்கிறார் டாக்டர்.தேவிகா அவர்கள்

2011-01-26T19:49:00.000-08:00

இந்தியாவின் தென் கோடியில் அமைந்திருக்கும் தமிழ்நாட்டின் தலை நகர் சென்னையில் சாலிகிராமம் என்ற இடத்தில் சக்தி ஹாஸ்பிட்டல் என்ற சித்த மருத்துவமனையை நடத்தி வருபவர் Dr.S.தேவிகா அவர்கள்.

பாரம்பரிய முறையில் சித்த மருத்துவம் பயின்று தமிழக அரசின் அங்கீகாரம் பெற்று, இருபது வருடங்களுக்கும் மேலாக குழந்தையின்மைக்கான (INFERTILITY) சிறப்பு மருத்துவம் செய்து வருகிறார் மருத்துவர் S. தேவிகா அவர்கள்.

மருத்துவர் S. தேவிகா அவர்களின் தொழில் நேர்திதியும், அர்ப்பணிப்பும், தெய்வபக்தியும் அவரை இத்தொழிலுக்கு கைராசியான மருத்துவர் என்ற பெயரைப் பெற்றுத் தந்துள்ளது. அவரால் பயனடைந்த தம்பதியர் ஏராளம்.

சக்தி மருத்துவமனையில், சித்த மருத்துவத்தின் மூலம் கருக்குழாய் அடைப்பு, (Fallopian tube block), சினைப்பை கட்டிகள் (PCOS) கருப்பை சவ்வு அழற்சி (Endometriosis), ஒழுங்கற்ற மாத விலக்கு (Irregular Menstruation), கருப்பைக் கழலை (Fibroid Uterus), பெரும்பாடு (அதிகமாக கட்டி கட்டியான உதிரப்போக்கு), தைராய்டு சுரப்பி கோளாறு (Thyroid Dysfunction), சினை முட்டை சரிவர வளராமை போன்ற காரணங்களுக்குச் சிறப்பான சிகிச்சை அளிக்கப்பட்டு வருகிறது

குழந்தையின்மை என்ற குறை இன்று பரவலாகக் காணப்படுகிறது. இது கணவன், மனைவி இருவரும் சம்பந்தப்பட்ட பிரச்சனை. இருவரில் யாருக்கு வேண்டுமானாலும் குறை இருக்கலாம். திருமணம் முடிந்து ஒரு வருடம் ஆகியும் எந்தவித கட்டுபாட்டுடன் இல்லாமல் இருந்தும் குழந்தைபேறு இல்லை என்றால் கணவன் மனைவி இருவரும் மருத்துவ ஆலோசனையும் சிகிச்சையும் மேற்கொள்ள வேண்டியது அவசியம்.

இதில் சில பிறவிக் குறைபாடுகள் தவிர ஆண்களுக்கான இதரப் பிரச்சனைகளுக்கும், பெண்களுக்கான பிரச்சனைகளுக்கும் சித்தமருத்துவத்தில் பக்க விளைவு இல்லாத மருந்துகளும் தீர்வுகளும் உள்ளன.

மேலும் விபரங்களுக்கு : டாக்டர்.தேவிகா

டெல்லி முழுக்க காண்டம் மெஷின்

2010-08-04T05:46:00.000-07:00

காமன்வெல்த் போட்டியை முன்னிட்டு, பல்லாயிரக்கணக்கில் டெல்லி வரவுள்ள வெளிநாட்டினரின் வசதிக்காக ஓட்டல்கள், மைதானங்கள் மற்றும் முக்கிய இடங்களில் ஆணுறை வழங்கும் இயந்திரங்களை பொருத்த தேசிய எய்ட்ஸ் கட்டுப்பாட்டு அமைப்பு ஏற்பாடு செய்துள்ளது.

மேலும்படிக்க

சோதனைப் பதிவு

2010-06-15T08:48:00.000-07:00

சோதனைப் பதிவு

http://www.tamilkurinji.com/index.php

2009-09-26T19:53:00.001-07:00

http://www.tamilkurinji.com/index.php

Shared via AddThis

நீச்சல் உடையில் சோனா

2009-06-06T22:39:00.000-07:00

அழகர் மலை படத்தில் நடிகை சோனா நீச்சல் உடையில் தோன்றுகிறார். குசேலனுக்கு பிறகு மீண்டும் வடிவேலுவுடன் ஜோடி போட்டிருக்கும் சோனாவுக்கு இந்தப் படத்தில் அதிகபட்ச காஸ்ட்யூமே பிகினி எனப்படும் நீச்சலுடைதான். இந்தப் படத்துக்காக 6 நாட்கள் நடித்த அவர், அந்த 6 நாட்களும் நீச்சலுடையிலேயே வலம் வந்திருக்கிறார். சோனாவின் ஜிலு ஜிலு நடிப்பு படக்குழுவினரிடையே ஜிலுஜிலுப்பை ஏற்படுத்தியிருக்கிறது.புகைப்படம் இங்கே

தினமும் ஒரு டம்ளர் ஒயின் சாப்பிட்டால் பித்தப்பை கற்கள் வராது

2009-06-01T20:36:00.000-07:00

தினமும் ஒரு டம்ளர் ஒயின் சாப்பிட்டால் பித்தப்பையில் கற்கள் உருவாகும் அபாயம் ஓரளவுக்கு குறையும் என பிரிட்டனில் நடத்திய புதிய ஆய்வில் தெரியவந்துள்ளது.

தினமும் ஒரு டம்ளர் ஆல்கஹால், குறிப்பாக ஒரு டம்ளர் ஒயின் சாப்பிட்டுவந்தால் பித்தப்பை கற்கள் உருவாகும் அபாயம் வெகுவாக குறையும் என இந்த புதிய ஆய்வின் மூலம் தெரியவந்துள்ளது.

கிழக்கு ஆங்கிலியா பல்கலைக்கழகத்தை சேர்ந்த ஆய்வாளர் டாக்டர் பால் பனிம் இதை தெரிவித்துள்ளார்.

பித்தப்பை கற்கள் உருவானால் அறுவைச்சிகிச்சை மூலம் பித்தப்பையை அகற்ற வேண்டியதுதான். அது அதிக வலியை ஏற்படுத்தும்.

இதை தவிர்க்க இப்போது புதிய வழி கிடைத்துள்ளது. மேலும் படிக்க

உறவுகள் ஊனமானால்.

2009-04-10T21:02:00.000-07:00

என் பெயர் நரேன் .இது என் கதை .இது நிஐமா இப்படியும் நடக்குமா என்று கேள்வி கேட்காதீர்கள். மூச்சுக்குழலுக்குள் முள் சிக்கி கொண்டநிலையில் உள்ளேன் .கக்கவும் முடியாத முழுங்கவும் முடியாத தவிப்பு . அது உங்களுக்கு புரியாது அந்த அவஸ்தையை அனுபவித்தால் தான் புரியும் .இது எச்சரிக்கை நீங்களும் என்னை போல் தவிக்க வேண்டாம் . அத்ற்காகத்தான் இந்த கதையை எழுதுகிறேன் .இதை படித்து விட்டு '' த்து ''' என்று துப்பி விடாதீர்கள். என் சுமையை இறக்கி வைக்க ஒரு கை கொடுங்கள் இல்லையேல் ஒதுங்கிப் போய் விடுங்கள்

இது என்செயலை நியாயப்படுத்தவதற்காக அல்ல. சமுதாய கட்டு கோப்புகளிலும் உறவு சங்கிலியின் உன்னதத்திலும் நம்பிக்கை வைத்துள்ள உங்களது மனதை பலப்படுத்தி கொள்ளவே இந்த பீடிகை .

எனக்கு இப்பொழுது உறுத்துகிறது. என் பதினைந்து வருட தாம்பத்தியத்திற்கு பிறகு என் அகல்யாவை மனைவியாக ஏற்று கொண்டது தவறோ என்று தோன்றுகிறது . ஏனென்றால் அகல்யா வேறு யாறுமல்ல என் ஒன்றுவிட்ட சித்தப்பாவின் மகள் .எனக்கு சகோதரி இப்பொழுது என் மனைவி ''அபச்சாரம் அபச்சாரம்'' என்று அடித்து கொள்ளாதீர்கள் விதி யாரை விட்டது .

சித்தப்பா வட இந்தியாவில் பெரிய உத்தியோகத்தில் வேலை பார்த்து விட்டு ஓய்வு பெற்ற பிறகு சொந்த ஊருக்கு திரும்பியிருந்தார் .

அகல்யாவை அப்பொழுதுதான் முதல்முறையாக பார்த்தேன். முதல் பார்வையிலேயே அவள் என்னோடு ஒட்டி கொண்டாள் அதிக நாள் தொடர்பு விட்டு போனதால் அவளை என்னால் சகோதரியாக ஏற்றுகொள்ள முடியவில்லை .அவளை ஒரு நல்ல தோழியாக நினைத்து பழகினேன்.

பம்பாயிலும் டெல்லியிலும் வளர்ந்ததாலோ என்னவோ அச்சம் மடம் நாணம் போன்ற வேண்டாத சமாச்சாரங்கள் அவளிடம்இல்லை .ஆண்பிள்ளையை பார்த்ததும் முந்தானையை சரிசெய்யும் அனிச்சைச்செயல் அவளிடம் இல்லை .

ஜீன்சும் ;டி்' சர்ட்டும் அணியும் சுதந்திரத்தில் வளர்ந்தவள். அவள் சேலைகட்டுவது அபூர்வம். அதனால் அவளிடம் முந்தானையை சரிசெய்யும் பழக்கம் இல்லை .

இந்த சுதந்திரம் தான் என்னை அவள்பால் ஈர்த்தது . சில விசயங்களை சகோதரியிடம் பேசமுடியாது .ஆனால் நான் அகல்யாவிடம் பேசினேன் .காதல், காமத்தில் இருந்து கருக்கலைப்புவரை ,எலியட்ஸிலிருந்து ராபின்ஹுட் வரை அவளிடம் பேசமுடிந்தது.

நாங்கள் அண்ணன் தங்கை என்பதால் எங்கள் நெருக்கம் யாரையும் உறுத்தவில்லை. அண்ணன், தங்கை உறவிற்கு அப்பாற்பட்டு சிறு நூலிழை போல் ஏதோ ஒன்று எங்களை இணைத்தது .அது எங்களது ஒன்றுபட்ட சிந்தனையால் வலுப்பெற்றது.படித்தவற்றை ஆராய தூண்டியது .சிறு சிறு தொடல்கள் மூலம் சிலிர்த்து கொள்ளமுடிந்தது. கண்ணுக்கு தெரியாத அந்த சிறு நூலிழை மேலும் வலூப்பெற்றது.

ஒருநாள் கிடைத்த தனிமை எங்களின் அனாடமி வேறூபாட்டை ஆராய தூண்டியது. எங்களுக்கிடையே இருந்த ஆதாரமான உறவு மறந்து போனது .விளைவு புது உறவு ஜனித்தது .அவள் கர்ப்பமானாள். பிறகுதான் ஊர்உலகம் நினைவுக்கு வந்து பயமுறுத்தியது . கருவை கலைத்து கொண்டாள். இதற்கிடையே தீடீரென்று அவளுக்கு திருமணம் நிச்சயிக்கப்பட்டது .நாங்கள் இனி என்ன செய்வது? என்று யோசிப்பதற்குள்
திருமணமே முடிந்துவிட்டது .

அவள் கணவனோடு வாழவில்லை. அவனால் இவளது 'கிஸ்மி' T; சர்ட்டை ஜீரணித்து கொள்ள முடியவில்லை. அவளுக்கோ என்னை என் நினைவுகளை மறக்க முடியவில்லை. பிறந்தகத்திற்கு ஓடி வந்தாள் சித்தியும் சித்தப்பாவும் சமாதானம் செய்து அனுப்பி வைத்தார்கள்.

ஒரே மாதத்தில் திரும்பவும் ஓடி வந்தாள் .பிறந்தகத்திற்கும் புகுந்தகத்திற்கும் இடையிலான அவளது ஓட்டம் தொடர்ந்தது .

நான் இதை ஒரு முடிவிற்கு கொண்டு வர நினைத்தேன் .அவளை பார்க்க அவள் புகுந்தவீட்டிற்கு சென்றேன். அவளது கணவன் ,'உங்க தங்கச்சிக்கு நல்ல புத்தி சொல்லிட்டு போங்க .அவ என்னமோ தான் இன்னும் டெல்லியில் வாழுறதா நினைச்சிட்டு இருக்கா. கல்யாணத்திற்கு முன் பேண்டும் 'சட்டையுமா ஊர்சுத்துனா. சரி, கல்யாணத்திற்கு பின்னாடியாவது அடக்க ஒடுக்கமா இருக்க வேண்டாமா? படிச்சவ புரிஞ்சு நடந்துப்பானு நினைச்சேன். 'இடத்திற்கு தகுந்தமாறி மாற வேண்டாமா .இது புரியாத ஜென்மமா இருக்கு .ஒழுக்கமா இருந்தா இங்க இருக்கட்டும். இல்லைனா நீங்களே கூட்டிட்டு போயிடுங்க' என்று கோபமாக கத்தி விட்டு வேலைக்கு சென்றுவிட்டான்.
.

சனிப்பய நாக்குல ஏன்தான் இந்த வார்த்தை வந்துதோனு இப்ப நினைச்சி வருத்தபடுறேன் .இப்ப வருத்தபட்டு என்ன பிரயோஜனம்..

'இனி நான் உனக்கு முக்கியமில்லை .உன் கணவன்தான் உனக்கு முக்கியம் .அவனொடு விட்டு கொடுத்து வாழ முயற்சி செய்.கல்யாணம் ஆன உடனே காதலிச்சவனை 'வாங்க அண்ணா' என்று வாய்கூசாம கூப்பிடுற காலம் இது. இனி நான் உனக்கு உண்மையிலேயே அண்ணனா இருந்திட்டு போயிடுறேன் .என்னை ''மறந்து விடு'' என்று என்ன என்னவோ சொல்ல நினைத்தேன்..

ஆனால் அவள் என்னை ஆரதழுவிக்கொண்டு அழுத போது சொல்ல நினைத்தது எல்லாம் மறந்து போனது. அவளை இறுக அணைத்து முத்தமிட்டேன் .முடிந்து போனதாக நான் நினைத்த எங்கள் உறவுமீண்டும் உயிர்த்து கொண்டது .இருவரும் வடக்கு நோக்கி ஓடிவந்தோம்.
.
.இங்கு யாருக்கு தெரியும் நானும் அவளும் அண்ணன் தங்கை என்று .நாங்கள் கணவன் மனைவியாக எங்கள் இல்லறத்தை நல்லறமாக அமைத்து கொண்டோம்

எங்கள் ஆத்மார்த்தமான தாம்பத்தியத்திற்கு அர்த்தம் கொடுப்பது போல் அழகு மலராய் அமுதா பிறந்தாள் .இருவரும் பூரித்து போனோம். சமுதாயம்,, கட்டுப்பாடு உறவுசங்கிலி எல்லாவற்றையும் உடைத்தெரிந்துவிட்ட பெருமையில் வெற்றி மமதையில் குழந்தையைசுற்றி உலா வந்தோம் .
.
அமுதாவிற்கு ஐந்து வயதான பிறகுதான் எங்கள் கணக்கு தவறு என புரிந்து கொண்டோம் .நாங்கள் தகர்த்துவிட்டதாக நினைத்த சமூகக் கட்டுப்பாடும் உறவுசங்கிலியும் எங்கள் மீதே விழுந்து அழுத்தியிருப்பதையும் அது ஏற்படுத்ததியிருந்த் ரணம் புரையோடி போயிருப்பதையும் உணர்ந்தோம்.
ஆம்,அமுதாவுக்கு அபரிமதமான அழகை கொடுத்த ஆண்டவன் அறிவை மட்டும் ஏனோ கொடுக்க மறந்துவிட்டான். அவளது உருவம் வளர்ந்ததே தவிர அறிவு மட்டும் வளரவேயில்லை.

நாங்கள் தளர்ந்தோம்.அகல்யா அழுதாள் மூலையில் முடங்க தொடங்கினாள் . அவளது ஆர்ப்பாட்டம் எல்லாம் அடங்கி போனது .

இதோ பதினைந்து வயது அமுதா தன்சட்டை பட்டன் அறுந்து வெளியே தெரியும் மார்பை பற்றி கவலைபடாமல் தோட்டத்தில் வண்ணத்து பூச்சியை துரத்தி கொண்டிருக்கிறாள் .

ஒருநாள் ஈ பிடிக்கபோய் டிவியை உடைத்துவிட்டு அழுதாள் ''ஏம்மா அழறே உடைந்தா போகுது விடு'' என்ற போது ''ஈ. ஓடிடுச்சுப்பா பிடிச்சு கொடு'' என்று பரிதாபமாய் கண்ணை கசக்கினாள் . சிறு குழந்தை போல் தரையில் உருண்டு கையை காலை உதைத்து ஆர்ப்பாட்டம் செய்தாள் .

மற்றொரு நாள் அகல்யா அவளை குளிப்பாட்டி உடை மாற்றும்போது ''சட்டை போடமாட்டேன் போ'' என்று அடம் பிடித்தாள் .அகல்யா கோபத்தில் அவளை அடித்துவிட்டாள். பதினைந்து வயது குழந்தை வெற்று மார்போடு ஓடிவந்து என்னை கட்டி கொண்டு பாருப்பா அம்மா அடிக்கிறாள் என்று அழுதாள்.நான் செய்வதறியாது நின்றேன் .அகல்யா என்னை எரித்து விடுவது போல் பார்த்தாள் .என் மகளையே நான் வெறித்து பார்ப்பதாக நினைத்தாள் போலும்.

சகோதரியான தன்னையே திருமணம் செய்து கொண்டவன், அழகு சிலையான தன் மகளை தனிமையில் இது போல் பார்க்க நேர்ந்தால் தன்நிலை வழுவி ஏதாவது செய்து விடுவானோ என்று பயப்படுகிறாள் .அவள் பயமும் நியாயம்தானே.

தன்வினை தன்னை சுடும். இதோ என்வினை என்னை அனலாய்,பழுக்ககாய்ச்சிய இரும்பாய் என் இதயத்தை மட்டுமல்ல அகல்யாவின் இதயத்தையும் சேர்த்தே சுடுகிறது .

என் குழந்தையின் எதிர்காலம்? எனக்கு இருளாய் தெரிகிறது. ஆனால் அவள் உலகிலோ இருள் வெளிச்சம் என்ற பேதமில்லை.நல்லவர் கெட்டவன் வித்தியாசமில்லை.நாளை பற்றியகவலையும்இல்லை.எல்லா கவலைகளையும் ,சுமைகளையும் என்மீது ஏற்றிவைத்துவிட்டு எதிர்காலம் பற்றி பயமில்லாமல் பொம்மைகளோடு விளையாடி கொண்டிருக்கிறாள்.

எங்களுக்கு பிறகு இவள் கதி என்ன? அனாதையாய் திரிவாளோ ? நான் செய்த பாவத்திற்கு என் குழந்தை படப் போகிறாளா?

ஆண்டவனே அழகை கொடுத்த நீ குருடாய் ஊமையாய் அல்லது கை கால் ஊனமாய் படைத்திருக்கலாமே எப்படியாவது சகித்துகொண்டு வாழ கத்து கொண்டிருப்பாளே . . .

ஒரு வேளை அப்படி அறிவோடு பிறந்திருந்தால் ''பாவிகளா நீங்கள் செய்த பாவத்தால் நான் இன்று ஊனமாக வளைந்து நிற்கிறேனே . உங்கள் இச்சையை தீர்த்து கொள்ள என்னை ஏன் அரை குறையாய் உருவாக்கினீர்கள் . உனக்கு மனைவியாய் தேர்ந்தெடுக்க உன் தங்கையை தவிர இந்த உலகில் வேறு பெண்ணே கிடைக்கவில்லையா'' ?என்று வார்த்தையால் சித்திரவதை செய்திருப்பாளோ? அதனால்தான் அவளை அறிவில்லாமல் படைத்தாயோ.

ஆண்டவனே என்நிலை இனியாருக்கும் வர வேண்டாம் .சகோதரியை சகோதரியாய் பாவிக்கும் மனநிலையை அனைவருக்கும் கொடு.

உறவு புனிதமானது அதை உடைக்க நினைத்தால் என்நிலைதான் உங்களுக்கும் என்பதை புரிந்து கொள்ளுங்கள்.முடிந்தால் என் குழந்தைக்கு அறிவை கொடுக்க ஆண்டவனிடம் பிரார்த்தனை செய்யுங்கள்.

இச்சிறுகதை தமிழ்குறிஞ்சி இணைய இதழில் வெளியாகியுள்ளது.

இவுங்க சொல்ல விரும்புன வடிவேலு பட டயலாக்குகள்!

2009-04-03T01:28:00.000-07:00

எனக்கு மெயிலில் வந்த லொல்லு

வருண் காந்தி : "எல்லாரும் பாத்துக்கோங்க... நான் ஜெயிலுக்கு போறேன்.. நான் ஜெயிலுக்குப் போறேன்... நான் ஜெயிலுக்கு போறேன்..."

ராகுல் காந்தி : "சின்னப்புள்ள தனமாயில்ல இருக்கு!"

கருணாநிதி : "பாடி ஸ்ட்ராங்... ஆனா.. பேஸ்மென்டுதான் கொஞ்சம் வீக்."

ஜெயலலிதா : "யப்பா...இப்பவே கண்ணைக் கட்டுதே.."

ராமதாஸ் : "பட்.. எனக்கு அந்த டீலிங் ரொம்ப புடிச்சி இருந்தது."

விஜயகாந்த் : "அது போன மாசம்... நான் சொல்றது இந்த மாசம்.."

வைகோ : "இது வரைக்கும் நல்லாத்தானே போய்ட்டிருந்தது?"

தங்கபாலு : "வேணா... வலிக்குது... அழுதுருவேன்..!"

சோனியா காந்தி : "என்னா வில்லத்தனம்?"

அத்வானி : "ராஜதந்திரந்தை கரைத்து குடித்துவிட்டாயடா"

மன்மோகன் சிங் : "என்னைய வெச்சு காமெடி கீமிடி பண்ணலையே!"

மாயாவதி : "ஒரு க்ரூப்பாத்தான்யா அலயுறாங்க"

லாலு பிரசாத் யாதவ் : "வரும்... ஆனா... வராது."

பிரணாப் முகர்ஜி : "முடியல..."

திருமாவளவன் : "இப்படித்தான் உசுப்பேத்தி உசுப்பேத்தி உடம்பெல்லாம் ரணமாயிருது."

சரத்குமார் : "ரிஸ்க்கு எடுக்குறது எனக்கு ரஸ்க்கு சாப்புடுற மாதிரி"

கார்த்திக் : "அவ்வ்வ்வ்வ்வ்வ்வ்வ்வ்வ்வ்வ்..."

ரோஜா : "ரூம் போட்டு யோசிப்பாய்ங்களோ?"

விஜய டி ராஜேந்தர்: "இதுவரைக்கும் என்ன யாரும் தொட்டதில்ல..!"

மிஸ்டர் வாக்காளர் : "கிளம்பீட்டாய்ங்கய்யா.. கிளம்பீட்டாய்ங்க"

போடுங்கம்மா ஓட்டு ஜாதகத்தை பார்த்து

2009-03-17T21:04:00.000-07:00

ஐயாமாரே அம்மாமாரே ஆட்சி கட்டிலில் அமரும் அளவுக்கு உங்கள் ஜாதகம் பலமாக இருந்தால் அ.தி.மு.க வுல சீட் கேட்டு ஒரு அப்ளிகேஷன் போடுங்க.சீட்டு நிச்சயம் உண்டு.

எச்சரிக்கை..

அம்மாவுக்கே ஆப்பு வைக்கும் அளவுக்கு அதாவது பிரதமராகவோ, முதல்வராகவோ ஆகும் அளவுக்கு உங்கள் ஜாதகம் பலமாக இருந்தால் உங்கள் ஆயுள் ரேகையை சரிபார்த்து கொள்ளுங்கள். ஆட்டோவில் ஆள் வரலாம்.
போடுங்கம்மா ஓட்டு ஜாதகத்தை பார்த்து.

இந்த கூத்தை பற்றி விரிவாக தெரிஞசிக்க இங்க போங்க .

இளம்பெண்ணை நிர்வாண நடனம் ஆட வற்புறுத்திய 4 மாணவிகள் கைது. என்ன கொடுமை சார் இது.

2009-03-15T19:26:00.000-07:00

பொதுவா ராக்கிங்ல மாணவர்கள்தான் ரொம்ப மோசமா ஈடுபடுவாங்க. அந்த வரிசைல இப்போ பெண்களும் சேர்ந்துட்டாங்க.என்ன கொடுமை சார் இது.
ஆந்திரா கல்லூரியில், `ராக்கிங்' தொல்லையால் மாணவி தற்கொலை முயற்சியில் ஈடுபட்டது தொடர்பாக 4 மாணவிகள் மற்றும் விடுதி வார்டன் கைது செய்யப்பட்டனர்.

ஆந்திர மாநிலம் குண்டூர் மாவட்டத்தில் உள்ள பாப்த்லா என்ற இடத்தில் அரசு வேளாண் பொறியியல் கல்லூரி உள்ளது. அந்த கல்லூரியின் விடுதியில் தங்கி படிக்கும் முதலாம் ஆண்டு மாணவி திரிவேணி (வயது 20), கடந்த சில நாட்களுக்கு முன் விஷம் குடித்து தற்கொலை செய்ய முயன்றார். தற்போது, குண்டூர் அமராவதி மருத்துவமனையில் சிகிச்சை பெற்று வருகிறார்.

அந்த கல்லூரியில் படிக்கும் 2-ம் ஆண்டு மற்றும் 3-ம் ஆண்டு மாணவிகள் 5 பேர், திரிவேணியை நீண்டநாட்களாக `ராக்கிங்' செய்து வந்ததும் அவரை நிர்வாணமாக நடனம் ஆடுமாறு வலியுறுத்தியதும் விசாரணையில் தெரிய வந்தது. இது தொடர்பாக போலீசில் திரிவேணி புகார் செய்தார். உடனே, போலீசார் வழக்கு பதிவு செய்து விசாரணை நடத்தி வந்தனர்.

இந்த நிலையில், திரிவேணியை `ராக்கிங்' செய்த மாணவிகள் 4 பேரும் விடுதி வார்டன் சுசிலாவும் போலீசாரால் நேற்று கைது செய்யப்பட்டனர். திரிவேணியால் புகார் கூறப்பட்ட மாணவிகளில் ஒருவர் விடுதியை விட்டு ஓட்டம் பிடித்ததால் அவரை போலீசார் தேடி வருகின்றனர். மாணவிகள் கைது செய்யப்பட்ட தகவல் கிடைத்ததும் 200-க்கும் மேற்பட்ட மாணவ-மாணவிகள் திரண்டு வந்து பாப்த்லா போலீஸ் நிலையத்தை முற்றுகையிட்டனர்.

`ஒட்டு மொத்த சம்பவமும் கல்லூரியின் உள் விவகாரம். திரிவேணியை போலீசார் கட்டாயப்படுத்தி புகார் வாங்கி உள்ளனர். எனவே, அனைவரையும் விடுதலை செய்ய வேண்டும்' என்று அவர்கள் கோரிக்கை விடுத்தனர்.

மேலும், மாணவிகள் மற்றும் விடுதி வார்டனை விடுவிக்காவிட்டால் தீவிர போராட்டம் நடத்தப் போவதாகவும் அறிவித்தனர். எனவே, கல்லூரி, விடுதி மற்றும் சுற்றியுள்ள பகுதிகளில் கண்காணிப்பை தீவிரப்படுத்தி இருப்பதாக மாவட்ட கூடுதல் போலீஸ் சூப்பிரண்டு ரங்கநாத் தெரிவித்தார்.

இதற்கிடையே, மருத்துவமனையில் சிகிச்சை பெற்று வரும் மாணவி திரிவேணியின் உடல்நிலையில் லேசான முன்னேற்றம் காணப்படுகிறது. அவர், முழுமையாக குணமடைய இன்னும் 3 வாரங்கள் ஆகும் என்று டாக்டர்கள் தெரிவித்தனர்.

தேர்தலில் தனித்து போட்டி: மாயாவதி அறிவிப்பு

தேமுதிகவுக்கு நான் அழைப்பு விடுக்கவில்லை : கருணாநிதி

மேலும் பயனுள்ள கட்டுரைகள்,கதை, கவிதைகளைப் படிக்க தமிழ்குறிஞ்சிக்கு வாருங்கள்.

உயிரோடு விளையாடும் சமையல் எரிவாயு நிறுவனங்கள்

2009-03-12T02:13:00.000-07:00

பயன்பாட்டுக்கு தகுதியில்லாத சமையல் எரிவாயு சிலிண்டர்களை பயன்படுத்தும்போது விபத்துக்கள் ஏற்பட வாய்ப்புள்ளது
ஆனால் சமையல் எரிவாயு நிறுவனங்கள். அதைபற்றி கவலைபடுவதாக தெரியவில்லை. அவை பெரும்பாலும் காலாவதியான சிலிண்டர்களிலேயே மீண்டும் மீண்டும் எரிவாயுவை நிரப்பி அனுப்புகின்றன .

உங்கள்வீட்டில் உள்ள சிலிண்டர் காலாவதியானதா இல்லையா என்பதை எப்படி அறிந்து கொள்வீர்கள்?

சிலிண்டர்களின் மேல்பக்கம் இருக்கும் முன்று கம்பிகளில் ஒன்றில் சிலிண்டர் காலாவதியாகும் மாதம் மற்றும் வருடம் குறிப்பிடபட்டிருக்கும் . கீழே உள்ள படத்தில் உள்ளது போல் A அல்லது B அல்லது C அல்லது D என்ற ஆங்கில எழுத்துடன் ஒரு
இரண்டிலக்க எண் {D-06} குறிப்பிடப் பட்டிருக்கும்

1. A - என்பது மார்ச் {முதல் காலாண்டு}

2.B - என்பது ஜுன் {இரண்டாவது காலாண்டு}

3.C - என்பது செப்டம்பர் {மூன்றாவது காலாண்டடு}

4. D -என்பது டிசம்பர் {நான்காவது காலாண்டடு}

அதாவது D-O6 என்பது டிசம்பர் 2006 என்பதை குறிக்கிறது.
கீழே உள்ள படத்தில் D-13 என்பது டிசம்பர் 2013 ஐக் குறிக்கிறது.

அடுத்த முறை சிலிண்டர் வாங்கும்போது காலாவதி தேதியை பார்த்து வாங்குங்கள். காலாவதியான சிலிண்டர்களை திருப்பி அனுப்புங்கள்.

உங்கள் வீட்டிற்கான இம்மாத மின்கட்டணம் எவ்வளவு என்று தெரிய வேண்டுமா?

அம்மா உண்ணாவிரதம் நாடகமாம் ஐயா சொல்றார்

2009-03-09T21:37:00.000-07:00

அம்மா உண்ணாவிரதம் நாடகமாம் ஐயா சொல்றார். அப்ப உங்க கட்சி எம்.பிக்கள் ராஜினாமா பண்றேன்னு சொன்னது என்னவாம்?
மொத்தத்துல தேர்தல் காய்ச்சல்ல எல்லாரும் நடுங்க ஆரம்பிச்சுட்டாங்க. அது சரி அம்மா நாடகத்துக்கு ஐயா என்ன வசனம் எழுதியிருக்காருனு பார்க்க வேணாமா? அதுக்கு இங்க போங்க

பெங்களூர் அருகே பண்ணை வீட்டில் நடனத்துடன் மது விருந்து: 110 பேர் கைது

2009-03-08T19:00:00.001-07:00

பெங்களூர் அருகே பண்ணை வீட்டில் நள்ளிரவு நடனத்துடன் நடந்த மது விருந்தில் பங்கு கொண்ட 20 பெண்கள் உள்பட 110 பேர் கைது செய்யப்பட்டனர்.

ராம்நகர் மாவட்டத்தில் சுஞ்சனகுப்பே அருகே தொட்ட ஆலதமரா என்ற கிராமம் உள்ளது. இங்குள்ள ஒரு பண்ணை வீட்டில் சனிக்கிழமை நள்ளிரவு இளம் பெண்களும், ஆண்களும் கும்பலாக அதிக சப்தத்துடன் பாடல்களைப் போட்டு மது அருந்தி நடனமாடிக்கொண்டு இருப்பதாக போலீசாருக்கு தகவல் கிடைத்தது.

இதை அடுத்து ராமநகரம் மாவட்ட தனிப்படை போலீசார் சம்பவ இடத்துக்கு விரைந்தனர். குறிப்பிட்ட கிராமத்தில் ஒதுக்குப் புறத்தில் உள்ள பண்ணை வீட்டில் போலீசார் ஞாயிற்றுக்கிழமை அதிகாலை 4 மணியளவில் அதிரடி சோதனை நடத்தினர்.

அப்போது, இளம் பெண்களும், ஆண்களும் அரைகுறை ஆடையணிந்து மது போதையில் மேற்கத்திய பாடல்களுக்கு நடனமாடிக்கொண்டு இருந்தனர். மேலும்.......

இலங்கைத் தமிழர் போராட்டத்தை ஆதரிக்கிறோம்: ஜெயலலிதா

வழக்கறிஞர்களும், காவல்துறையினரும் இரு கண்கள்: கருணாநிதி

இலங்கை ராணுவத் தாக்குதலில் பொதுமக்கள் 32 பேர் பலி

2009-03-07T06:46:00.000-08:00

வன்னிப் பகுதியில் இலங்கை ராணுவம் நடத்திய தாக்குதலில் பொதுமக்களில் 32 பேர் கொல்லப்பட்டதாகத் தகவல்கள் கூறுகின்றன.

முல்லைத்தீவு மாவட்டத்தில் வன்னி அருகேயுள்ள இரணைப்பாலை, மாத்தளன் ஆகிய இடங்களில் இலங்கை ராணுவம் நேற்று அதிகாலை முதல் குண்டுவீசித் தாக்குதல் நடத்தியது. இதில், பொதுமக்களில் 32 பேர் கொல்லப்பட்டதாகவும் 64 பேர் காயமடைந்ததாகவும் புலிகள் ஆதரவு இணையதளங்களில் வெளியாகியுள்ளன.

இத்தாக்குதலில் சம்பவ இடத்திலேயே 26 பேர் கொல்லப்பட்டதாகவும், 6 பேர் மருத்துவமனையில் அனுமதிக்கப்பட்ட பின்னர் உயிரிழந்ததாகவும் தகவல்கள் கூறுகின்றன.
மேலும்.......

கூட்டணியில் "சிண்டு'' முடிய ஜெய‌ல‌லிதா முயற்சி : கருணா‌நி‌தி

ஜெயலலிதா உண்ணாவிரதம் மார்ச் 9-க்கு மாற்றம்

மழை காரணமாக மனித சங்கிலி போராட்டம் ரத்து.

2008-10-20T21:15:00.000-07:00

இலங்கை இனப்படு கொலையை கண்டித்து சென்னையில் இன்று நடைபெறுவதாக இருந்த மனித சங்கிலிப் போராட்டம் 24 ந் தேதிக்கு தள்ளிவைக்கப்பட்டுள்ளது

தமிழகத்தில் மழை காரணமாக பள்ளிகளுக்கு விடுமுறை.

2008-10-20T21:14:00.000-07:00

தமிழகம் முழுவதும் மழை காரணமாக பள்ளிகளுக்கு இன்று விடுமுறை அறிவிக்கப்பட்டுள்ளது.

தமிழகம் முழுவதும் கனமழை பெய்து வருவதால் பள்ளி கல்லூரிகளுக்கு இன்று விடுமுறை அறிவித்து பள்ளி கல்வித்துறை உத்தரவு பிறப்பித்துள்ளது.

ரொம்ப நாளாச்சு

2008-10-18T04:26:00.000-07:00

வலைப் பூ பக்கம் வந்து ரொம்ப ரொம்ப நாளாச்சு. புதுசு புதுசா நிறையபேர் எழுதுறாங்க. சந்தோசமா இருக்கு. தேன்கூடுக்கு என்னாச்சு திடீர்னு காணாம போயிருச்சு? இனி அடிக்கடி சந்திப்போம். நீ என்னத்த எழுதி கிழிச்சிட்ட உன்னைக் காணாம நாங்க தேடறதுக்குனு யாரோ கேடக்கறாமாதிரி இருக்கு....பரவாயில்லை.

குழந்தையும் பாம்பும்?

2008-02-22T10:57:00.000-08:00

பாம்பென்றால் படையும் நடுங்கும். ஆனால் குழந்தை......?

குழந்தையின் குபீர் சிரிப்பு - வீடியோ

2008-02-22T10:20:00.000-08:00

இந்த சிரப்பு போதுமா இன்னும் கொஞ்சம் வேணுமா?

வீக் என்ட் லொல்லு......

2008-02-22T10:13:00.000-08:00

இது வீக் என்ட் ஜொள்ளு இல்ல வீக் என்ட் லொல்லு......

PIT போட்டிக்காக நான் புடிச்ச வட்டம்.

2008-02-14T08:54:00.000-08:00

வட்டம் I

வட்டம் II

ஆணுறை வாங்க வெட்கப்படலாமா?

2008-01-30T23:59:00.000-08:00

நேற்றைய தினத்தந்தியில் ஒரு செய்தி பார்த்தேன். சிலி கடற்கரையில் ஈருடையில் (டூ பீஸ்) சூரிய குளியலில் இருந்த பெண்களிடம் ஒரு சேவை அமைப்பைச்சேர்ந்தவர்கள் ஆணுறை போன்ற உடையணிந்து ஆணுறையின் முக்கியத்துவம் பற்றி எடுத்துரைத்து இலவசமாக ஆணுறைகளை விநுயோகித்தார்களாம். இது போல் நம் ஊர் மெரினா கடற்கரையில் காதலனுடன் காற்று வாங்கும் பெண்களிடம் சென்று ஆணுறையின் முக்கியத்துவம் பற்றி எடுத்துரைக்க முடியுமா?.

என் நண்பர் ஒருவரிடம் இதுகற்றி பேசிய போது "அட போப்பா மருந்துக்டைல போயி காண்டம்னு கேட்கவே வெட்கமா இருக்கு"

"இதுல என்ன வெட்கம்?"

"நான் காண்டம் வாங்க சில விதி முறைகள் வச்சிருக்கேன் தெரியுமா?"

"இதுக்குக் கூட விதிமுறைகளா?"

"ஆமா நான் காண்டம் வாங்கப்போகும் கடைல கடைக்காரன் மட்டும் உட்கார்ந்து தேமேனு தெருவை வேடிக்கை பார்த்திட்டிருக்கனும்"

"புரியலயே?"

"அட என்னப்பா நீ இது கூட புரியலன்ற? கடைல வேற யாரும் மருந்து மாத்திரை வாங்கிக்கிட்டு இருக்கக்கூடாது"

"ஓ... அப்புறம்?"

"பெண்கள் வேலை பார்க்காத மருந்துக்கடையா இருக்கனும்"

" ஓ பொண்ணுங்க கிட்டப் போய் காண்டம்னு கேட்க வெட்கம்"

"ஆமா"

"அப்புறம்"

"கடைல நிறையப்பேர் வேலை பார்க்கக் கூடாது"

"ஏன்?"

"நாம போன உடனே எல்லாரும் நம்மளையே பார்ப்பானுக. ஒருத்தன் என்ன சார் வேணும்பான்? ரெண்டு குரோசின் குடுனு சத்தமா கேக்கற மேட்டரா இது. நான் ரகசியமா காண்டம் ஒரு பாக்கெட் குடும்பேன். பக்கத்துல இருக்கறவன் நம்மளை ஒரு மாதிரியா
பார்ப்பான். நமக்குக் கூச்சமா இருக்கும். எதுக்கு இந்த வம்புன்னுதான் தனியாளா இருக்கற கடையா பார்த்து வாங்கறது."

"ம்...... அப்புறம்"

"நாம குடியிருக்கற ஏரியாவுல வாங்கக்கூடாது"

"ஏன்?"

"மறு நாள் காலைல பொண்டாட்டியோட அவன் கடைய தாண்டிப்போகும் போது சங்கடமா இருக்கும்"

"ம்.."

"ஒரே கடைல தொடர்ந்து வாங்கக்கூடாது?"

"ஏன்?"

"ஒரு மாசத்துக்கு எத்தனை வாங்கறோம்னு தெரிஞ்சுருமே. அப்புறம் ரெண்டும் ரெண்டும் நாலுனு கணக்குப் போட்டுருவான்ல"

"ம்......அப்புறம்"

"அப்புறம் என்ன? அவ்வளவுதான்"

" இல்லை இதுல வேற ஏதாவது பிரச்சனை இருக்கானு?"

சிறிது நேரம் யோசித்தவர் தொடர்ந்தார்.

"ஒரு பெரிய பிரச்சனை இருக்கு"

"என்ன அது?"

"நாம கடைக்குப் போனதும் அவசரமா காண்டம் ஒரு பாக்கெட் குடுப்பானு கேட்போம்"

"என்ன அவசரம்"

"நாம வாங்கறத வேற யாரும் பார்த்திரக் கூடாதே?"

"ஓ........."

"அவன் கடைல உள்ள தள்ளி ரகசியமா வெச்சிருப்பான். அதுல ஒரு பாக்கெட் எடுத்து அங்கயே ஒரு கவர்ல போட்டு கொண்டு வந்து குடுப்பான். அவசரமா வாங்கி பாக்கெட்ல போட்டுக்கிட்டு எவ்வளவுனு கேட்டு குடுத்துட்டு உடனே இடத்தை காலிபண்ணிருவோம்"

"இதுல என்ன பிரச்சனை இருக்கு?"

"அவன் என்ன பிராண்டு தர்ரான்? அதோட விலை என்ன? காலாவதி ஆனதா ஆகாததானு எதுவும் பார்க்க முடியாது. ரிப்டு, டாட்டடு, எக்ஸ்ட்ரா டைம்னு என்னனென்னமோ வருது. அதெல்லாம் வாங்கி யூஸ் பண்ணிப்பார்க்கணும்னு ஆசைதான். எங்க கேட்க முடியுது"

காண்டம் வாங்க ஆண்களே இவ்வளவு வெட்கப்படர நாட்டுல பெண்களிடம் இது பற்றி பிரச்சாரம் செய்ய முடியுமா?

அது போகட்டும். எனக்கொரு யோசனை.

எது எதுக்கோ Exclusive show room திறக்கராங்களே, ஏன் இதுக்காக ஒரு Exclusive show room திறக்கக் கூடாது?. நம்ம வெட்கப்படற மக்களும் 'சே..... இதுக்குனு தனியா ஒரு கடையே திறந்திருக்கான் இன்னும் நாம ஏன் வெட்கப்படனும்னு' தைரியமாக உள்ளே சென்று தங்களுக்கு விருப்பமானதைக் கேட்டு வாங்கிக் கொள்வார்களே. மக்களே இது பற்றி உங்களது கருத்துக்களைப் பகிர்ந்து கொள்ளுங்களேன்.

தமிழர் மானத்தை கப்பலேற்றும் தமிழச்சிகள்.

2008-01-30T21:27:00.001-08:00

இன்று காலை தினத்தந்தியில் இந்தசெய்தியைப் படித்து அதிர்ந்தேன்.

"அவன்கிட்ட அப்படி என்னடி காணாதத கண்டுபுட்டீங்க"

நாறிப்போனது.........?

2008-01-26T23:39:00.000-08:00

கள்ளக்காதல் எதிரொலி
கணவன் கொலை
மனைவி கைது.

மணமான முன்று நாளில்
மணப்பெண் மாயம்
மாஜி காதலனை
போலீஸ் தேடுகிறது.

கள்ளக் காதலனுடன்
சல்லாபத்தில் இருந்த மனைவி
கண்ணால் கண்ட ஆத்தித்தில்
மனைவியைக் கொன்ற
கணவன் கைது.

செய்திகள் படித்து
சாக்கடையான மனதில்
எதிர் வீட்டுத் திருமதி
கல் எறிந்தாள்
நாறிப்போனது மனது.

நாளைய செய்திக்கு
நானும் தயாரானேன்.

இது PIT போட்டிக்காக அல்ல.

2008-01-16T22:06:00.000-08:00

இது அடுத்த மாத PIT போட்டிக்கான முன் முயற்சி.

தேறுமா CVR சார்?.

பொங்கல் வாழ்த்து

2008-01-14T19:46:00.000-08:00

உலகத் தமிழர்கள் அனைவருக்கும் நக்கீரனின் இனிய பொங்கல் நல்வாழ்த்துக்கள்.
வாழ்க வளமுடன்.

சிறந்த நச் கதை

2008-01-07T06:20:00.000-08:00

சிறந்த நச் கதையாக தேர்வுபெற்றுள்ள சென்னைக் காதலும், திருச்சிக் காதலும் வாழ்க. வெற்றி பெற்ற திரு.அருட்பெருங்கோவுக்கு வாழ்த்துக்கள்.
எந்த அரசியல் குறுக்கீட்டிற்கும் இடம் கொடாமல் நேர்மையான முறையில் சிறந்த கதையை தேர்வுசெய்த வாக்காள பெருமக்களுக்கும், நடுவர்களுக்கும் போட்டியை வெற்றிகரமாக நடத்தி முடித்திருக்கும் திரு.சர்வேசன் அவர்களுக்கும் வாழ்த்துக்கள். இது போன்ற போட்டிகள்தான் என்ன எழுதுவது என்று தெரியாமல் விழித்துக் கொண்டிருக்கும் என்போன்ற புதியவர்களுக்கு ஊக்க மருந்தாக இருக்கிறது.(ஒரு சந்தேகம் ஊக்க மருந்து உட்கொண்டு இது போன்ற போட்டிகளில் கலந்து கொள்ளலாமா?)
தொடர்ந்து சர்வேசன் இதுபோன்ற போட்டிகளை நடத்தவேண்டும்.
யோவ்... சர்வேசன் பதிவுல பின்னூட்டமா போடவேண்டியத பதிவாப் போட்டு ஜல்லியடிக்கிறியா?னு யாரும் கேட்ராதீங்க. ஆனானப்பட்ட லக்கிலுக்கே கலைஞரே இது நியாயமா?னு ஒரு போட்டோவைப் போட்டு
புலம்பும் போது நான்லாம் ஜீஜீபிங்க.

கலைஞரே இது நாயமா?

2007-12-12T03:50:00.000-08:00

இன்னாப்பா இது அநியாயமா கீது.
இலவசமா டிவி பொட்டி தர்ரேன்னு சொன்னதாலதான
ஓட்டுப்போட்டோம்.இப்போ டிவிய வித்தா குண்டாஸ்ல
போட்டுருவோம்னா இன்னாபா நாயம்.
சென்னைல டிவிபொட்டி இல்லாத குடிசை
ஏதாவது கீதாபா. குந்த எடம் கீதோ இல்லையோ
அங்க டிவிபொட்டிகீது. குடிக்க கஞ்சி கீதோ இல்லையோ
கந்துவட்டிக்கு கடன்வாங்கியாவது கலர்டிவி வாங்கி
வச்சுக்கறோம்.(இதுக்கு மேல ராயபுரம் 'கடுக்கா' ராசுவோட
சென்னை தமிழ் எனக்கு வரலைங்க) இதுக்கு மேல
இலவச கலர்டிவிய வாங்கி நாங்க எங்க வச்சுக்கறது.
அதை அடிதடி போட்டு வாங்கறது
இன்னாத்துக்கு. சேட்டு கடைல வைக்கறதுக்கோ
இல்லாங்காட்டி விக்கறதுக்கோதான். இப்போ இந்த
டிவி பொட்டிய பாத்தா ஆசைவரல ஆத்திரம்தான்
வருது. ஆத்திர அவசரத்துக்கு அடமானம் வைக்கக்கூட
முடியாத பொருளை எதுக்கு அடைகாத்து வச்சிருக்கனும்னு
தோணுது.ஒரு நேரம் பத்தா ஏதோ கடத்தல் பொருளை
குடிசைக்குள்ள பதுக்கி வச்சிருக்க மாதிரி பயமாக்கூட இருக்குப்பா.
அதைப்பாத்தாலே குண்டாஸ் ஆக்ட்டும் புழல் ஜெயிலும்தான்
ஞாபகத்துக்கு வருதுப்பா.
கலைஞரய்யா இது நாயமா?

கருணாநிதியும் கருப்புக் கண்ணாடியும்.

2007-12-07T08:34:00.000-08:00

தமிழ்நாட்டில் கார்களுக்கு கருப்புக்கண்ணாடி போட (colour film ஒட்ட) தடை விதிக்கப்பட்டுள்ளது.
இதன் மூலம் வாகனங்களுக்குள் நடைபெறும் சமூகவிரோத செயல்கள் தடுக்கப்படுமாம்.
இது VIP கார்களுக்குப் பொருந்துமா என்று தெரியவில்லை?
கருணாநிதி கருப்புக்கண்ணாடி அணிந்திருப்பதால்தான் நாட்டில் நடக்கும்
சமூகவிரோத செயல்கள் அவருக்கு தெரிவதில்லையோ?
அப்ப அவரும் கண்ணாடிய கழட்டிருவாரா?

சென்னையில் மாணவ ரெளடிகள்!

2007-12-04T07:22:00.000-08:00

சம்பவம்: 1
சென்னை அரும்பாக்கம் அரசினர் மேல்நிலைப்பள்ளியில் +1, +2 மாணவர்களுக்கு இடையே
நடந்த கிரிக்கெட் போட்டியில் மோதல் ஏற்பட்டு அடிதடி நடந்துள்ளது. மோதலில் ஈடுபட்ட
மாணவர்கள் பெற்றோரை அழைத்து வரவேண்டும் என்று பள்ளி முதல்வர் உத்தரவிட்டுள்ளார்.
இதற்கிடையே மீண்டும் மாணவர்களிடையே அடிதடி நடந்துள்ளது.
தகராறில் ஈடுபட்ட மாணவர்களை வரிசையாக நிற்கவைத்து ஆசரியர்கள் பிரம்பால்
அடித்துள்ளனர். அடிபட்ட மாணவர்கள் காவல்துறை ஆணையரிடம் புகார் தெரிவித்துள்ளனர்.

சம்பவம்: 2
சென்னை திருவெற்றியூரில் காலை பிரேயரின்போது நகம்வெட்டிக்கொண்டிருந்த
மாணவனைக் கண்டித்த ஆசிரியரை அந்த மாணவன் தாக்கியுள்ளான்.

நான் படித்தகாலத்தில் படிக்காத முரட்டு பிள்ளைகளை பள்ளியில் கொண்டு
விடும் பெற்றோர் "வாத்தியாரய்யா எம்மவன் ஒழுங்கா படிக்கலைனா
அடிச்சு தோலை உறிச்சுருங்க" என்று சொல்லி விட்டுச்செல்வர்.
எனது கணக்கு வாத்தியார் (பெயர் நடராஜ் என்று ஞாபகம்) கணக்கை
தவறாகப்போட்டால் பிரம்பால் பிருஸ்டத்தில் அடிப்பார். (அவரது வகுப்பு
இருக்கும் நாட்களில் அடிதாங்குவதற்காக ஒன்றின்மேல் ஒன்றாக இரண்டு
டவுசர்கள் அணிந்து செல்வோம் என்பது தனிக்கதை) ஆனால் ஒருநாளும்
ஆசியர் அடித்ததாக பெற்றோரிடம் புகார் செய்ததில்லை.புகார் செய்தால்
ஏன் படிக்கவில்லை என்று வீட்டிலும் அடிவிழும்.
அந்தக்காலத்தில் ஆசிரியர்கள் மீது ஒரு பயம்கலந்த மரியாதை இருந்தது.
இன்று ஆசிரியர் அடித்தால் காவல்நிலையத்தில் புகார் கொடுக்கலாம்,
ஆசிரியர் கைதுசெய்யப்படலாம் என்ற நிலைமை உள்ளது.
இதன் விளைவு ஆசிரியர் மீது பயமோ, மரியாதையோ இருக்காது.
ஆசிரியரும் கடமைக்கு கரும்பலகையில் எழுதிப்போட்டுவிட்டுச்
செல்வாரேயானல் நமது வருங்கால சந்ததியின் எதிர்காலம் என்னாகும்?
கண்டித்த ஆசிரியரையே ஒருமாணவன் திருப்பித்தாக்குகிறான் என்றால்
அவனுக்கு அந்த தைரியம் எங்கிருந்து வந்தது?
நாங்கள் தவறு செய்வோம் ஆனால் எங்களை யாரும் கண்டிக்கவோ,
தணடிக்கவோ கூடாது என்றால் யார் இவர்களைத்திருத்துவது?

எச்சரிக்கை:
நாம் ஒரு பொறுப்பற்ற பொறுக்கிகள் நிறைந்த சமூகத்தை உருவாக்கிக்
கொண்டிருக்கின்றோம்.இதன் பின்விளைவுகள் மிகமோசமாக இருக்கும்.

வீட்டில்....? யாருமில்லை.

2007-12-01T10:12:00.001-08:00

அது ஒரு மழைநாள் இரவு.
ஆளரவமற்ற தெரு
மெலிதான தூரலில்
நனைந்த கோழியாய்
நான் நடக்கின்றேன்.

மழை வலுத்தது குளிர் வாட்டியது
உன் இல்லம் என்பதறியாமல்
ஒதுங்கினேன்.

ஜன்னல் வழியே கசிகின்றது
மல்லிகை வாசம்.

திரும்பிப் பார்த்தேன்
ஒளிரும் நிலவாய்
உன் முகம்.

"யாரது?"
அதிகார வார்தையை
அன்பாய் பிரயோகித்தாய்.

"கனமான மழை
அதனால் ஒதுங்கினேன்"

"ஏன் நனைகிறீர்கள்
உள்ளே வாருங்கள்"

கதவு திறந்தாய்
ஒற்றை மெழுகுவர்த்தியின்
ஒளியில் உன் வடிவம் கண்டேண்.
என் தொண்டைக்குழியில்
எதுவோ அடைத்தது.

"வீட்டில்.....?"

"யாருமில்லை"

தயங்கினேன்

"பரவாயில்லை வாருங்கள்"

உள்ளே வந்தேன்.

"அமருங்கள்"

எதையோ எடுக்க உள்ளே சென்றாய்
காற்றின் வேகத்தில்
கதவு தானாய் மூடிக்கொண்டது.
எனக்குள்
எதுவோ திறந்து கொண்டது.

எரிந்த மெழுகு வர்த்தியும்
அணைந்த சில நொடிகளில்
என்காதருகே உன் மூச்சுக்காற்றின்
வெப்பம் உணர்ந்தேன்.

நம் இருவருக்குள்ளும்
பற்றிக்கொண்டது நெருப்பு.
நான் என் நினைவிழந்தேன்.

விடியலில் நான் விழித்தபோது
என் வீட்டிலிருந்தேன்.

நேற்றிரவு நடந்தது
நிஜமா? கனவா?
குழம்பிப்போனேன்.

உன் வீட்டைத்தேடி ஓடி வந்தேன்
பூட்டுத் தொங்கியது.

அருகிலிருந்தவரிடம் கேட்டேன்.

"இங்கே இருந்தவர்கள்?"

"தம்பி ஊருக்குப்புதுசா?"

"ஆம்"

"இங்கே இருந்த இளம்பெண்
ஏனோ தெரியவில்லை
மூன்று மாதம் முன்பு
துக்கில் தொங்கி விட்டாள்
பாவம்" என்றார்.

வீட்டில்....? யாருமில்லை.

2007-12-01T10:12:00.000-08:00

ஒரு சென்னை வாசியின் புலம்பல்.

2007-11-29T01:49:00.000-08:00

சென்னையின் மிகப்பெரிய பிரச்சனை போக்குவரத்து நெரிசல்.
கட்டப்பட்டு வரும் மேம்பாலங்கள் எப்போது முடிவடைந்து
எப்போது திறப்பு விழாகண்டு இந்தப்பிரச்சனை தீரும் என்று
தெரியவில்லை.
எரிகிற நெருப்பில் எண்ணை ஊற்றுவது போல நெடுஞசாலைத்
துறையும், சென்னை மாநகராட்சியும் செய்யும் தொல்லை
தாங்க முடியவில்லை. சாலையோரம் சேரும் மண்ணை
அகற்றுகிறோம் என்று சொல்லி சாலையின் பாதியை
அடைத்துக் கொள்கிறார்கள். சாலையை சுத்தப்படுத்துவது
நல்ல விசயம்தானே இதற்க்குப் போய் ஏன் அலுத்துக்கொள்கிறாய்
என்கிறீர்களா?. ஆனால் அதற்கும் நேரம் காலம் இருக்கிறதல்லவா?

போக்குவரத்துக் குறைவாக இருக்கும் மதிய நேரம் அல்லது இரவில் சுத்தப்படுத்தலாமே?
அல்லது விடுமுறை நாட்களில் சுத்தப்படுத்தலாம். ஆனால் இவர்கள் செய்வதென்ன?

வடபழனி 100 அடி சாலை சாதரணமாகவே காலையில் போக்குவரத்து
நெரிசலில் பிதுங்கும். அதிலும் முகூர்த்த நாளன்று கேட்கவே வேண்டாம்.
ஆனால் சொல்லி வைத்தார்போல் முகூர்த்த நாளன்று காலையில்தான்
பாதி சாலையை அடைத்துக் கொண்டு கருமமே கண்ணாக வேலை செய்கிறார்கள்.
அது போன்ற நாட்களில் கோயம்பேட்டிலிருந்து கிண்டி செல்வதற்கு 1 மணி
நேரத்திற்கு மேலாகிறது.
உத்தரவிடும் உயர்ந்த பதவியிலிருப்பவர்களுக்கு மூளையே கிடையாதா?
அல்லது யோசிக்கவே மாட்டார்களா?

பாம்பாட்டிக்கு பாம்பால் சாவு - மூன்றாவது கோணம்.

2007-11-27T05:55:00.000-08:00

தான் செய்ய அச்சப்படும் எதையாவது மற்றவர்கள் செய்தால் அவர்களுக்கு அதனாலேயே அழிவு என்று சொல்லி வக்கிரமாகச் சந்தோசப்படுவது மனித இயல்பு.
இதுவும் அப்படி அதீத அச்சத்தால் சொல்லப்பட்டதுதான். பாம்பைக்கண்டு பயந்தவர்கள்தாம் அதிகமாக பாம்புகளால் மரணமடைகின்றனர், பாம்பாட்டிகள் அல்ல.
யானையும் பாகனுக்குக் குறி வைப்பதில்லை. மதம் பிடித்துக் கூட்டத்தை நோக்கி ஓடும் யானையை அடக்க வேண்டும் என்ற பொறுப்பு உணர்வோடு தங்கள் உயிரையே பணயம் வைத்துச் செயல்படும் பல பாகர்கள் வெற்றி பெறுகிறார்கள். ஓரிருவர் உயிரிழக்கக்கூடும்.
பாம்பு, யானை இருக்கட்டும்.... உங்கள் வாகனத்தைச் சரியாகக் கையாளத் தெரியாமல் ஓட்டிச் சென்றால், அதுகூட ஆபத்துதான்.எதையுமே முழுமையாகப் புரிந்துகொண்டு கையாண்டால் பாம்பு, புலி, யானை, வாகனம், வாழ்க்கை எதுவுமே ஆபத்தல்ல.
-ஆனந்த விகடனில் சத்குரு ஜக்கி வாசுதேவ்.

நிலவில் தெரிந்த சாய்பாபா?

2007-11-25T04:12:00.000-08:00

இஸ்ரோ தலைவர், இந்தியா விரைவில் நிலவுக்கு விண்கலம் அனுப்ப இருப்பதாக அறிவித்த நாளில், நிலவில் சாய்பாபா உருவம் தெரிவதாக சென்னையில் ஒரு வதந்தி பரபரப்பாக உலாவந்தது. நானும் மொட்டை மாடிக்குப்போய் ஆர்வமாக பார்த்தேன். எனக்கு பாட்டி வடைசுட்டதுதான் தெரிந்தது. என் மனைவியை அழைத்துக் காட்டினேன். அவளுக்கு ஷிரிடி சாய்பாபா தெரிவதாகச் சொன்னாள். என் சகோதரி பார்த்து விட்டு புட்டபர்த்தி சாய்பாபா தெரிவதாகச் சொன்னார். என்னடா இது என்று மீண்டும் நான் வேறு கோணத்தில் பார்த்தேன் அப்போது எனக்கு தலைப்பாகை இல்லாத விவேகானந்தர் முகம் போலத்தெரிந்தது. மூன்றாம் வகுப்புப் படிக்கும் என் மகளை அழைத்துக் காட்டினேன் "டாடி எனக்கு பாட்டி வடை சுடறதுதான் தெரியுது. ஆனா காக்காயத்தான் காணோம்" என்றாள்.
ஆக நிலாவின் மேடு பள்ளங்களால் ஏற்படும் நிழல் அவரவர் கற்பனைக்கு ஏற்றார் போல் உருவங்களாய் தோன்றுகிறது. (எப்படி என் கண்டுபிடிப்பு?). நேற்றும் பவுர்ணமி நிலவைப் பார்த்தேன். என் மனைவியை அழைத்து உன் முகம் தெரிகிறது பார் என்றேன்.அடிக்க வந்தாள். நண்பர்களே நீங்களும் பார்த்துவிட்டுச் சொல்லுங்கள் உங்களுக்கு என்ன உருவம் தெரிகிறதென்று.

ரத்தக் கண்ணீர்

2007-11-16T09:46:00.000-08:00

வலைப் பதிவில் முதல்முறையாய் கதை சொல்லப்போறேன்! எல்லாரும் ஒரு முறை ஜோரா கைதட்டுங்க பார்க்கலாம்.
சிரிக்காதீங்க, இது சிரிப்புக் கதை இல்லீங்க. சீரியஸ் சோகக் கதை. அதனால எல்லாரும் கிளிசரினோ இல்ல சின்ன வெங்காயமோ
கைல வச்சுக்கங்க. பின்ன கண்ல தண்ணி வரணும்ல.

எச்சரிக்கை:

1.பகலெல்லாம் கண்முழிச்சு தமிழ் சீரியல் பார்த்து அழுது தீர்த்த தாய்மார்கள் இதைப் பார்க்க வேண்டாம்.

2.காதலன் அல்லது காதலி சாயங்காலம் 5 மணிக்கு பீச்சுக்கு வர்ரேனு சொல்லிட்டு அல்வா கொடுத்ததால தனியா சுண்டல்
வாங்கித் தின்று கடுப்பான காதலர்கள் அல்லது காதலிகள் இதைப் படிக்க வேண்டாம்.

3.அறிவாலயத்திலிருந்து போயஸ்கார்டனுக்கு ரூ.150 ரேட் பேசி ஆட்டோ ஏறி கார்டனில் இறங்கியதும் ரூ.300 கேட்டு
அடாவடி செய்த ஆட்டோ டிரைவரிடம் தோத்துப் போய் தண்டம் அழுத திருவாளர்கள் இதைப்படிக்க வேண்டாம்.

4.ஆட்டோதான் அடாவடி நான் டூவீலராக்கும் என்று வீராப்புப் பேசி டூவீலரில் சென்று கிண்டி கத்திப்பாரா சந்திப்பில்
VIP ( வேலை வெட்டி இல்லா பெர்சன் ) வருகைக்காய் நிறுத்தப்பட்ட போக்குவரத்தில் மணிக்கணக்கில் சிக்கிச்சீரழிந்து தாமதமாய்
அலுவலகம் போய் மேலதிகாரியிடம் வாங்கிக்கட்டிக் கொண்டவர்கள் இதைப்படிக்க வேண்டாம்.

5.தீபாவளி ரிலீஸ் அழுகிய தமிழ்ப் படங்களை A.C தியேட்டரில் வேர்க்க விறுவிறுக்க படம் பார்த்து நொந்து நூலானவர்கள்
இதைப்படிக்க வேண்டாம்.

"வேண்டாம்.....வேண்டாம்னு ஆத்திச்சூடி மாதிரி சொல்லிக்கிட்டே போற. வேற யார்தான்யா படிக்கறது."

"அவசரப்படாதீங்க. இவ்வளவு தூரம் படிச்சுட்டீங்க பொறுமையா இன்னும் கொஞ்சம் படிங்க."

"அதுசரி கதைய எப்ப ஆரம்பிப்ப?"

"இப்பத்தான அவசரப்படாதீங்கன்னு சொன்னேன். கதைல ஒரு கனவு song வருது, ஹீரோ ஹீரோயின் சந்திரமண்டலத்துல ஒரு டூயட்டுக்கு
ஆடராங்க அதுக்கு எப்படி செட் போடலாம்னு டிஸ்க்கஸ் பண்ண சங்கரை வரச்சொல்லீருக்கறேன். அதுபோக பாலா, மணிரத்னம், ஹரி, முருகதாஸ்னு
பெரிய பட்டளமே வருது.விவாதம் முடிச்சு எப்படியும் பொங்கலுக்கு ரிலீஸ் பண்ணிடுவேன். என்ன கண்ணுல ரத்தம் வருதா? அதாங்க "ரத்தக் கண்ணீர்"
நானும் நல்லா மொக்கை போடரேன்ல? ஐயோ யாரோ அடிக்க வாராங்க. எஸ்கேப்..........."

பாமரன்கேள்விகள்?

2007-11-14T09:16:00.000-08:00

அஹிம்சாவாதி அண்ணல் காந்தியடிகள் ஆரம்பித்த காங்கிரஸ் இன்று கொலைகாரர்களின் கூடாரமாகிப்போனதே அதைத் தடுக்கவோ தட்டிக்கேட்கவோ திராணியில்லாத இளங்கோவனுக்கு, தமிழ்ச்செல்வனின் மறைவுக்கு இரங்கல்பா எழுதிய கலைஞரை தட்டிக்கேட்க என்ன அருகதை இருக்கிறது?

பத்து நிமிடத்தில் கவிதை எழுத கற்றுக்கொள்ளுங்கள்

2007-11-13T09:42:00.000-08:00

பத்து நிமிடத்தில் கவிதை எழுத கற்றுக்கொள்ளுங்கள்.
மிக எளிய பயிற்சி. செய்முறை விளக்கமும் உண்டு.
பெண்களுக்கு பெண்களால் கற்றுத்தரப்படும்.
மிகக் குறைந்த கட்டணம். கவிதை பத்து நிமிடத்தில் வரவில்லை எனில் காசு திரும்ப தரப்படும். இந்த விளம்பரத்தை மின் அஞ்சல் செய்பவர்களுக்கு கட்டணத்தில் 50 சதவீதம் தள்ளுபடி உண்டு.
தொடர்பு கொள்ள வேண்டிய முகவரி ரசிகன்

எம்மிடம் பயிற்சி பெற்ற சிலரின் கருத்துக்கள்
"என்னால நம்பவே முடியல. பத்து நிமிடத்தில் கத்துக்குடுத்துட்டாங்க. அங்க கத்துக்கிட்டு நான் எழுதுனதுதான் ராமாயணம்".
-கம்பர்

"எனக்கு ஹைக்கூ எழுத கத்துக்குடுத்தாங்க. பத்தே நிமிடம்தான்.1330 ஹைக்கூ எழுதி திருக்குறள்னு புக்கே போட்டுட்டேன்னா பார்த்துக்குங்க.
- திருவள்ளுவர்

மீண்டும் புயல்..... சுனாமியே காரணம்?

2005-12-05T06:22:00.000-08:00

சென்னையை தாக்க அடுத்த புயல் தயாராகிவிட்டது. அந்தமானுக்கு அருகே
மையம் கொண்டுள்ளது. இதற்குக் காரணம் சுனாமிதான் என்கிறார்
பேராசிரியர் மணிமாறன். காண்க "சுனாமியே காரணம்"

என் மகளின் பாய்ஃபிரண்டுக்கு.

2005-11-16T08:54:00.000-08:00

நம் தமிழர்களின் உணர்ச்சிமிகு போராட்டம்? கண்டு நான் புளாகாங்கிதம் அடைந்தேன். போராட்டம் நடத்தும் எத்தனை பேர் இந்தியா டுடேவை பார்த்திருப்பார்கள் அல்லது படித்திருப்பார்கள்?.
குஷ்பு சொன்னதன் முழு அர்த்தம் இவர்களுக்கு தெரியுமா?.
சில தினங்கள் முன்பு ஒரு தொலைக்காட்சியின் நேரடி ஒளிபரப்பில் பிறந்தநாள் வாழ்த்து நிகழ்சிக்கு தொலைபேசியில் தொடர்பு கொண்ட ஒரு பெண்மணி "இன்று எனது மகளின் பாய் ஃபிரண்டுக்கு பிறந்த நாள் அவருக்கு வாழ்த்துச் சொல்ல வேண்டும் என்று அவருக்கு ஒரு திரைப்படப் பாடலையும் அர்பணித்தார். நிகழ்ச்சி நடத்தியவர் அடுத்து "உங்கள் மகள் எங்கே? அவரைப் பேசச் சொல்லுங்கள்" என்று கேட்டிருந்தால் அந்தத் தாய் "என் மகள் தன் பாய் ஃபிரண்டுடண் கோவிலுக்கு? சென்றுள்ளாள்"என்று கூறியிருப்பார். "தப்பு செய்யரது தப்பில்லை, தப்பை தப்பில்லாமல் செய்யுங்கள்" என்று குஷ்பு இவர்களுக்காகத்தான் சொன்னார். தகவல் தொழில் நுட்பத்தின் அபார வளர்ச்சியால் நமது நாடும், நமது நாகரீகமும், பண்பாடும், பழக்க வழக்கங்களும் நிறைய....... நிறைய...... மாறிவிட்டது. குஷ்பு நிச்சயமாக விளம்பரத்துக்காக பேட்டி கொடுக்கவில்லை. குஷ்புவிற்கு விளம்பரமும் தேவையில்லை. குஷ்புவின் "ஜாக்பாட் ஜாக்கெட்" கொடுக்காத விளம்பரத்தையா இந்தியா டுடே கொடுத்து விடப்போகிறது.
இப்போது செருப்பும், விளக்குமாறும் எடுத்துப் போராடத் தூண்டி விடுகிறார்களே அவர்களுக்குத்தான் விளம்பரம் தேவை. இந்தப்போராட்டத்தில் பொது ஜனம் யாரும் கலந்து கொள்ளவில்லை.குறிப்பிட்ட இயக்கத்தின், கட்சியின் "விசுவாச" தொ(கு)ண்டர்கள்தான் போராட்டம் நடத்துகிறார்கள். இது யாரையோ, எதற்கோ பழிவாங்க, யாரையோ திருப்திபடுத்த நடத்தப்படும் போராட்டம் என்பது பொது ஜனத்திற்கு நன்றாகவே தெரியும்.

கவிஞர் காத்தவராயன் கவிதை - 1

2005-11-07T04:16:00.000-08:00

வாராது வந்த மாமழையே!
வணங்குகிறேன்.

நீரி(யி)ன்றி நாவரண்டு
நின்றோம்!

பூவாய் தூறினாய்! புயலாய் மாறினாய்!
தலைமூழ்கி தவிக்கின்றோம்.

கொட்டித் தீர்த்தது போதும்கொஞ்சம்
ஓய்வெடுத்துக்கொள்.

வாராது வந்த மாமழையே!
உன் வருகைக்கு
நன்றி சொல்ல
நான் உயிரோடிருக்க வேண்டும்.

பாக்கெட்டில், பாக்கெட் வைத்து!

2005-11-04T23:59:00.000-08:00

கராத்தே தியாகராஜன் கைதாவாரா? என்ற கேள்விக்கு அரசு வழக்கறிஞராவது பதில் சொல்லி பத்து வராகன் பரிசை பெற்று விடுவார் என்று பார்த்தால் அவரும் ஏமாற்றி விட்டார்.பாவம் அவருக்கு மட்டும் தெரியுமா என்ன?.
உன் மீது வழக்கு எதுவுமில்லை என்று சொன்னால் கராத்தே வெளியே வருவார், அப்போதுஅவரது பாக்கெட்டில், பாக்கெட் வைத்து (அதாங்க கஞ்சா பொட்டலம்) உள்ளே தள்ளிவிடலாம் என்று நினைக்கிறார்கள் போலும்?கராத்தே கைதாவாரா? இந்த கேள்விக்கு விடை தெரிந்தவர்கள் இருவர் மட்டுமே.
ஒருவர் கடவுள்.
மற்றவர் ...................?
கோடிட்ட இடத்தை நிரப்புக.

பத்து வராகன் பரிசு!

2005-11-03T06:17:00.000-08:00

கராத்தே தியாகராஜன் கைதாவாரா?
கராத்தே மேல் வழக்கு உள்ளதா? இல்லையா?
உண்மையில் கராத்தே எங்கு உள்ளார்?
இந்த கேள்விகளுக்கு சரியான பதில் சொன்னால்
பத்து வராகன் பரிசு!

பதில் சொல்லுங்க...பிளீஸ்

2005-11-03T06:08:00.000-08:00

இந்த பாமரன் கேள்வி கேட்டு ஒரு மாசத்துக்கு மேலாகுது
இது வரை எந்த புண்ணியவானும் பதில் சொல்லல.
யாராவது பதில் சொல்லுங்க...பிளீஸ்.

பாமரன்கேள்விகள்?...2

2005-09-22T00:58:00.000-07:00

இன்னொரு தினசரி செய்தி:பெண் போலீஸ் அதிகாரிகளின் பயிற்சி மையத்தில் பாலியல் கொடுமைகளை தடுக்க ரகசிய கேமராபொருத்தப் போராங்களாம்?
சந்தேகம் 1:- சொல்லீட்டு செஞ்சா தப்புபண்றவன் உஷாராயிர மாட்டானா?சந்தேகம் 2:- பெண் போலீஸ் பயிற்சி பண்ணும் போது ரகசியமா கேமரா மூலமா பார்த்து ரசிக்க மாட்டங்களா?
சந்தேகம் 3:- ஆமா...... காவல் காக்க போறவங்க, காவல் காக்கறவங்க நெலமயே இப்படி இருந்தா அப்பாவி பொதுசனதை யார் காப்பத்தரது?

பாமரன்கேள்விகள்?

2005-09-22T00:51:00.000-07:00

தினசரிகளில் வரும் சில செய்திகள் இந்த பாமரனுக்கு புரிவதில்லை.உ.ம்: சின்ன மருத்துவர் டெல்லியில் வெளியிட்ட ஆண்டறிக்கையில் இந்தியை வளர்ப்போம் என்றாராம். பெரிய மருத்துவர் சென்னையில் தமிழை வளர்ப்போம் என்று சிறை நிரப்புகிறாராம்?உங்களுக்கு ஏதாவது புரியுதா?